Fréttir

Styrkleikar stjórnenda geta verið fljótir að breytast í veikleika þegar þeir þurfa að vinna undir álagi. Hogan Development Survey er próf sem gagnast stjórnendum sem vilja bæta frammistöðu sína í samskiptum, ákvarðanatöku og vinnubrögðum.

Ástvaldur Jóhannsson hefur verið ráðinn framkvæmdastjóri Alþjóðalausna hjá Valitor. 
Starfsemi Alþjóðalausna felst í að bjóða greiðslulausnir á alþjóðlegum vettvangi. Markmið sviðsins er að veita kaupmönnum á internetinu framúrskarandi þjónustu og þannig efla starfssemi Valitor á alþjóðlegan mælikvarða.

Starfsfólk á vinnumarkaði var samtals 167.300 árið 2011 sem er sama tala og árið 2010 samkvæmt vinnumarkaðsrannsókn Hagstofunnar. Heldur fleiri voru starfandi árið 2009, eða 167.800. Flestir urðu starfsmenn á vinnumarkaðnum árið 2008, eða 178.600, en fara þarf aftur til ársins 2005 til þess að finna færri starfsmenn, en þá töldust 161.300 vera í starfi.

Um árabil hefur Hagvangur verið dreifingaraðili á Íslandi fyrir persónuleikamat sem hannað er af Hogan Assessment Systems í Bandaríkjunum. Það er því etv. ekki úr vegi að meta hver reynsla Hagvangs er af notkun þess og spyrja sig hvort notkun persónuleikamats hafi ekki aukið gæði ráðninga.

Hagvangi hefur borist fjöldi fyrirspurna frá smærri fyrirtækjum og stofnunum sem vilja einfalda, hnitmiðaða og hagkvæma leið til að mæla starfsánægju og tengda þætti. Til að bregðast við þessari þörf hefur Hagvangur hannað mjög aðgengilega vinnustaðagreiningu sem byggir á traustum kenningum þar sem framsetning niðurstaðna er mjög einföld og auðskilin. Könnunin er rafræn, örugg og hægt er að klæðskerasauma hana að þörfum hvers og eins.

Þegar niðursveifla verður í atvinnulífi eykst kostnaðarvitund stjórnenda og þeir velta fyrir sér hvort lækka megi kostnað við ráðningar. Spurningin sem þeir velta fyrir sér er ef til vill hvort það borgi sig að annast ráðningarnar alfarið með innanhússfólki eða hvort hagstæðara sé að leita til ráðningarstofu.

Hagvangur hefur um árabil haft milligöngu um tilnefningar á fólki til stjórnarsetu í fyrirtækjum. Markmið hvers fyrirtækis felst m.a. í því að byggja upp hæfa stjórn til að auka skilvirkni og bæta árangur. Kröfur og þarfir fyrirtækja breytast í tímans rás og meira er leitað eftir sérþekkingu hvers og eins til að gegna stjórnarsetu.

Að undanförnu hafa fjölmörg fyrirtæki þurft að grípa til þess ráðs að segja upp starfsfólki og er sú staða alltaf erfið. Fyrirtækin þurfa að sjá á eftir góðu fólki og þeir sem fyrir uppsögninni verða, þurfa að glíma við það áfall sem uppsögnin hefur í för með sér samhliða því að leita að nýju starfi, sem mörgum getur reynst stórt skref að taka. Á slíkum tímum er mikilvægt að huga vel að þeim einstaklingum sem sagt er upp störfum og ætti það að vera forgangsmál hjá stjórnendum.

Stjórnandinn má ekki láta eigin símenntun sitja á hakanum, að sögn Katrínar S. Ólafsdóttur framkvæmdastjóra Hagvangs. „Í dag þurfa stjórnendur fyrirtækja að vera svo mörgum vopnum búnir enda verðu viðskipta- og rekstrarumhverfið æ flóknara og sjaldan eða aldrei reynt jafnmikið á að stjórnandinn sé fær og með breiða þekkingu," segir Katrín

Atvinnuleysi er 6,7% en þrátt fyrir það segir hagfræðingur Samtaka iðnaðarinns aðildarféllög samtakanna eiga erfitt með að finna starfsfólk. Hann segir blöndu hárra skatta og bóta letja fólk frá vinnumarkaðnum.

Vegna árshátíðar starfsfólks Hagvangs verður skrifstofa okkar lokuð föstudaginn 7. október n.k. Hægt er að koma áríðandi skilaboðum til okkar í gegnum þjónustuborð Hagvangs, s. 520-4700. Við munum sinna fyrirspurn þinni með ánægju strax í næstu viku. Góða helgi.

Með kærri kveðju, eigendur og starfsfólk Hagvangs

Kristján Daníelsson, fyrrv. framkvæmdastjóri Hótel Sögu, tekur í dag við starfi framkvæmdastjóra Kynnisferða. Kristján hefur starfað sem framkvæmdastjóri og hótelstjóri Radisson Blu Hótel Sögu og Park Inn Ísland sl. fjögur ár en þar á undan var hann sölu- og markaðsstjóri hótelanna í fimm ár. Þá var Kristján nýlega kjörinn formaður Badmintonsambands Íslands.

Í lok júlí voru 12.253 manns atvinnulausir í landinu. Skráð atvinnuleysi í landinu var að meðaltali 6,6% í mánuðinum samkvæmt Vinnumálastofnun og lækkaði um 0,1% milli mánaða. Ástandið var því ögn skárra og fækkaði um 281 að meðaltali á skrá.