Fréttir

Ein af afurðum Hogan Assessment Systems er öryggisskýrslan en hún er ætluð til notkunar í atvinnugreinum þar sem öryggis- og gæðamál gegna veigamiklu hlutverki. Í slíku umhverfi er þess krafist að starfsfólk beri virðingu fyrir reglum og fyrirmælum, sýni öguð vinnubrögð, hafi jafnaðargeð, forðist að taka áhættu og geti einbeitt sér við fyrirliggjandi verk.

Rannsóknir síðustu 30 ár hafa sýnt að ákveðnir einstaklingar þrífast illa í slíku umhverfi og hættir frekar en öðrum til að gera mistök sem geta verið fyrirtækjum dýrkeypt. Öryggisskýrsla Hogan er sérstaklega hönnuð til að koma auga á þessa einstaklinga áður en af ráðningu verður. Þá nýtist skýrslan einnig fyrir núverandi starfsmenn í því skyni að auka öryggisvitund og veita þeim stuðning til að bæta vinnubrögð sín. Notkun öryggisskýrslunnar í fyrirtækjum hefur m.a. leitt til færri slysa og óhappa, færri brota á reglum og færri fjarvista. Meðal atvinnugreina sem skýrslan hefur verið notuð í eru orkuiðnaður, hitaveita, byggingariðnaður, landbúnaður, framleiðsla og flutningaþjónusta.

Fyrir frekari upplýsingar um persónuleikaprófin frá Hogan hvetjum við ykkur til að hafa samband við Brynhildi Halldórsdóttur, ráðgjafa, brynhildur@hagvangur.is.