Landsnet leitar að kraftmiklum og framsýnum leiðtoga til að taka við nýju starfi aðstoðarforstjóra. Við viljum ráða öflugan einstakling með reynslu af stjórnun, þróun og breytingum, sem er tilbúinn að hugsa hlutina upp á nýtt og brennur fyrir áskorunum við uppbyggingu og rekstur raforkukerfisins.

Helstu verkefni og ábyrgð

• Staðgengill forstjóra og situr í framkvæmdastjórn Landsnets
• Stjórnun og rekstur í samræmi við nánari ákvörðun forstjóra
• Ráðgjöf til forstjóra og stjórnar við stefnumótun, innleiðingu stefnu og ákvarðanatöku
• Leiðir þverfagleg teymi við innleiðingu nýrra lausna sem auka rekstrarárangur
• Samskipti við hagsmunaaðila og opinbera stjórnsýslu
• Fylgist með þróun og nýsköpun í orkugeiranum og innleiðir bestu starfsvenjur

Hæfniskröfur

• Háskólamenntun sem nýtist í starfinu
• Víðtæk reynsla af stjórnun, innleiðingu stefnu og breytingum
• Þekking á breytingastjórnun
• Sterk leiðtogahæfni
• Framúrskarandi samskiptahæfni
• Hæfileiki til að tjá sig í ræðu og riti
• Framsýni og færni í að nýta tækni og gögn til að bæta rekstur

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar. Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Nánari upplýsingar

Sverrir Briem – sverrir@hagvangur.is