Náttúrustofa Suðausturlands auglýsir starf forstöðumanns laust til umsóknar. Stofan er alhliða rannsóknar- og þjónustustofnun í náttúrufræðum og starfar eftir lögum 54/2024 um Náttúrufræðistofnun og náttúrustofur. Starfssvæðið nær yfir Sveitarfélagið Hornafjörð og Skaftárhrepp og er stofan með aðsetur á Höfn og starfsstöð á Kirkjubæjarklaustri. Starfsstöð forstöðumanns getur verið á Höfn í Hornafirði eða Kirkjubæjarklaustri. Árið 2024 voru stöðugildi hjá stofunni 3,8 talsins. 

Sjá nánar á heimasíðu Náttúrustofu Suðausturlands, www.nattsa.is

Helstu verkefni

• Ábyrgð á daglegum rekstri og starfsemi Náttúrustofunnar.
• Leiðir rannsóknir og styrkjaöflun á verkefnasviði Náttúrustofunnar.
• Fjármál, áætlanagerð og stefnumörkun í samstarfi við stjórn.
• Ábyrgð á verkefnasamningum.
• Mannauðsstjórn.
• Samskipti við stjórnvöld, aðildarsveitarfélög, samstarfsaðila og viðskiptavini.
• Veita náttúruverndarnefndum á starfssvæði stofunnar upplýsingar og ráðgjöf á verksviði stofunnar.

Hæfniskröfur

• Háskólapróf á sviði náttúrufræða og reynsla af rannsóknum eru skilyrði
• Framhaldsmenntun á sviði náttúrufræða er æskileg
• Haldbær starfsreynsla af umhverfis- og náttúrufræðistörfum
• Reynsla af styrkumsóknum og sjálfstæði í starfi
• Stjórnunar- og rekstrareynsla er kostur
• Forystu-, skipulags- og samskiptahæfileikar
• Jákvæðni og lipurð í mannlegum samskiptum
• Hæfni í ræðu og riti á íslensku og ensku
• Frumkvæði og metnaður í starfi

Umsókn skal fylgja ferilskrá auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Nánari upplýsingar

Þórdís Sif Arnarsdóttir, ráðgjafi hjá Hagvangi – thordis@hagvangur.is

Sigurjón Andrésson, stjórnarformaður Náttúrustofu Suðausturlands – sigurjon@hornafjordur.is