Eimskip leitar að reyndum og árangursdrifnum leiðtoga í starf framkvæmdastjóra Innanlandssviðs. Við viljum liðsfélaga sem leiðir áframhaldandi þróun og vöxt sviðsins og ber heildarábyrgð á rekstri, stefnumótun og árangri. Undir sviðið heyrir allur akstur og vörudreifing félagsins á Íslandi ásamt vöruhúsum, frystigeymslum og fasteignaumsjón. Þar starfa um 380 manns af 20 þjóðernum á 16 stöðum víðsvegar um landið.

Starfið krefst mikilla leiðtogahæfileika og góðs skilnings á rekstri, ásamt hæfni til að tengja stefnu við framkvæmd og þróa lausnir sem styðja við árangur viðskiptavina og félagsins í heild. Um er að ræða stöðu í framkvæmdastjórn, þar sem viðkomandi hefur bein áhrif á forgangsröðun og lykilákvarðanir félagsins.

Helstu verkefni og ábyrgð

• Ábyrgð á árangri og þróun sviðsins
• Ábyrgð á rekstrar- og fjárhagsáætlun, kostnaðar- og tekjustýringu og afkomu sviðsins í samræmi við lykilmælikvarða
• Móta stefnu og markmið og tryggja markvissa eftirfylgni
• Fylgja eftir þróun og breytingum með áherslu á samkeppnishæfni og vöxt
• Leiða þróun stjórnendateymis og mannauðs á sviðinu
• Stuðla að virðissköpun og lausnum sem mæta þörfum viðskiptavina
• Samskipti við viðskiptavini, samstarfsaðila og lykilhagsmunaaðila innan og utan félagsins

Menntunar- og hæfniskröfur

• Framúrskarandi leiðtogahæfileikar og samskiptahæfni
• Víðtæk reynsla af rekstri og stjórnun í krefjandi og síbreytilegu umhverfi
• Hæfileiki til að fá fólk með sér og leiða breytingar sem skila árangri
• Framsýni, frumkvæði, metnaður og drifkraftur
• Sterk greiningarhæfni og geta til að öðlast skýra yfirsýn í flóknu rekstrarumhverfi
• Hæfni til að taka upplýstar ákvarðanir og forgangsraða í krefjandi aðstæðum
• Mjög góð færni í íslensku og ensku, í ræðu og riti
• Háskólamenntun sem nýtist í starfi

Eimskip hefur verið traustur samstarfsaðili í alþjóðlegum flutningum frá árinu 1914. Félagið rekur 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum, meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun.

Nánari upplýsingar

Sverrir Briem – sverrir@hagvangur.is