Orlofssjóður BHM gegnir mikilvægu hlutverki í að styðja félagsfólk BHM til að njóta fjölbreyttra og hagkvæmra orlofskosta. Starfsemi sjóðsins er umfangsmikil og spannar rekstur orlofseigna um allt land ásamt fjölbreyttri þjónustu tengdri orlofsmálum.

Framkvæmdastjóri leiðir daglegan rekstur sjóðsins og vinnur í nánu samstarfi við stjórn Orlofssjóðs og starfsfólk BHM að stefnumótun og eftirfylgni markmiða. Í boði er fjölbreytt starf í lifandi umhverfi fyrir einstakling sem vill taka virkan þátt í þróun og uppbyggingu á starfsemi sem skiptir félagsfólk BHM miklu máli.

Helstu verkefni og ábyrgð

• Dagleg stjórnun og rekstur sjóðsins, þ.m.t. áætlanagerð og mannaforráð
• Eftirfylgni með ákvörðunum stjórnar og framkvæmd þeirra
• Undirbúningur funda og gagnaöflun
• Gerð rekstraráætlana og ábyrgð á fjármálum sjóðsins
• Umsjón með kynningarstarfi og upplýsingagjöf
• Stefnumótun og langtíma markmiðasetning í samstarfi við stjórn
• Samskipti við félagsfólk, verktaka, fyrirtæki og aðra hagaðila
• Umsjón með kaupum og sölu fasteigna ásamt rekstri og viðhaldi þeirra
• Önnur tilfallandi verkefni tengd rekstri sjóðsins, umsýslu orlofseigna og þjónustu við sjóðfélaga

Menntunar- og hæfniskröfur

• Háskólapróf sem nýtist í starfi, framhaldsmenntun er kostur
• Reynsla af fjármálum og rekstri
• Rík þjónustulund og góð samskiptahæfni
• Reynsla af verkefnastjórnun
• Frumkvæði, metnaður og drifkraftur
• Reynsla af fasteignarekstri og umsýslu er kostur
• Góð skipulagshæfni og geta til að vinna sjálfstætt
• Færni í notkun samfélagsmiðla og textaritun
• Mjög góð íslensku- og enskukunnátta

Nánari upplýsingar

Inga S. Arnardóttir – inga@hagvangur.is