Samhentir leita að drífandi og lausnamiðuðum sérfræðingi í véladeild félagsins. Véladeild Samhentra vinnur að framleiðslu, uppsetningu, samþættingu og þróun véla- og tæknilausna tengdum sjálfvirknivæðingu, pökkunarlínum og iðnaðarlausnum fyrir iðnað og framleiðslu.

Leitað er að einstaklingi með góða tæknilega yfirsýn og áhuga á fjölbreyttum verkefnum, sem nýtur þess að vinna að hagnýtum lausnum í nánu samstarfi við viðskiptavini, birgja og samstarfsfólk. Starfið býður upp á fjölbreytt verkefni og tækifæri til að þróast faglega með deildinni.

Helstu verkefni

• Tæknileg útfærsla, samsetning og uppsetning vélbúnaðarlausna
• Forritun, hönnun stýringa og uppsetning véla og pökkunarlína
• Greining og úrvinnsla tæknilegra áskorana hjá viðskiptavinum
• Samvinna við söluteymi við mótun tæknilausna og tilboða
• Samskipti við innlenda og erlenda birgja vegna tækni og búnaðar
• Þátttaka í þróun, stöðlun og umbótum lausna innan véladeildar

Hæfniskröfur

• Menntun eða reynsla á sviði rafeindavirkjunar, rafmagnstæknifræði, rafiðna, vélfræði eða sambærilegu tæknisviði
• Reynsla af iðnaðarlausnum, vélum, sjálfvirknilausnum eða stýrikerfum mikill kostur
• Reynsla eða þekking á forritun, t.d. PLC-stýringum, Python eða sambærilegum lausnum
• Góð greiningarhæfni og lausnamiðuð hugsun
• Vilji og áhugi á að læra á ný kerfi, búnað og tækni
• Sjálfstæð, skipulögð og öguð vinnubrögð
• Góð samskiptahæfni og hæfni til að starfa í teymi

Samhentir eru stærsti umbúðaaðili á Íslandi og hafa um áratugaskeið byggt upp sterka stöðu á markaði með fagmennsku, gæði og áreiðanleika að leiðarljósi. Fyrirtækið leggur áherslu á tæknilega þróun, nýsköpun, gott samstarf og faglegt starfsumhverfi.

Nánari upplýsingar

Hlynur Atli Magnússon – hlynur@hagvangur.is