GEA Iceland ehf óskar eftir að ráða sjálfstæðan og kraftmikinn einstakling til starfa. Starfið felst í þjónustu við viðskiptavini fyrirtækisins. Leitað er eftir aðila sem er með góða þjónustulund, búsettur á höfuðborgarsvæðinu og er reiðubúinn að þjónusta fyrirtæki og einstaklinga víðs vegar um landið en einnig utan landsteinanna.

Helstu verkefni og ábyrgð

• Þjónusta og viðgerðir á skilvindum
• Framkvæmd á reglulegu viðhaldi skilvinda
• Viðbrögð við útköllum
• Kennsla og þjálfun viðskiptavina og starfsfólks þeirra
• Sækja þau námskeið sem fyrirtækið krefur
• Önnur tilfallandi verkefni

Hæfnikröfur

• Menntun sem nýtist í starfi, s.s. vélstjóramenntun, vélfræðingur eða sambærilegt
• Starfsreynsla til sjós er kostur
• Reynsla af flóknu umhverfi vélbúnaðar
• Þekking á rafmagnsfræðum og iðntölvum
• Þekking og reynsla af skilvindum er mikill kostur
• Sjálfstæð vinnubrögð, sterk þjónustulund og góð samskiptahæfni
• Framúrskarandi íslensku- og enskukunnátta
• Kunnátta á öðru Norðurlandamáli mikill kostur
• Góð tölvukunnátta

Í boði eru samkeppnishæf laun, möguleiki á framþróun í starfi, vinnutengd fríðindi og gott starfsumhverfi.

GEA Iceland ehf var stofnað árið 1998. Þá sem Westfalia Separator en móðurfélagið var stofnað í Þýskalandi árið 1893. Starfsemi fyrirtækisins fer fram í flestum löndum heims og er heildarfjöldi starfsmanna um 20 þúsund. Innan þeirrar deildar fyrirtækisins sem einblínir á sölu og þjónustu á skilvindum starfa um 4 þúsund manns. Sem stendur eru tveir starfsmenn á Íslandi, er hér með leitað eftir þeim þriðja. GEA Iceland ehf þjónustar fyrst og fremst fyrirtæki og einstaklinga á Íslandi og Færeyjum en tekur einnig að sér tilfallandi verkefni á hinum Norðurlöndunum.

Nánari upplýsingar

Hallveig Hafstað Haraldsdóttir – hallveig@hagvangur.is